Rôczimë do zladënkù, bò na robòta Méstra Jana, je wôrtnô tegò, żebë ji ùżëwac – pamiãtôjta równak, że bënë słowarza kaszëbsczi pisënk nie je dzysdniowi.

Prosti lënk do zladënkù: Jan Trepczik_slowôrz
(zdrój: http://www.kaszubi.pl/files/1704Trepczyk_slownik.pdf)

Zéńdzenié bãdze miało swój plac w Gimnazëjóm miona Kaszëbsczich Runitów w Lëzënie.

Zymkòwcë rôczą brateczno do Lëzëna !!!

Z wiôlgą redoscą dôwómë Wama do wiédzë, że w sobòtã, 7 smùtana 2009 rokù w Gimnazjum w Serakòjcach mdze VIII Kaszëbsczé Diktando. Mdzemë baro rôd, czej dzecë, młodzëzna i starszi pùdą w jimë ò nôlepszé môle w VIII edicji Kaszëbsczégò Diktanda. Bãdzta z nama w tim wôżnym dlô Kaszëbów i kaszëbiznë sztóce!

Program VIII Kaszëbsczégò Diktanda
9.00-10.00 – Przëbëcé ùczãstników i zôpisë.
10.00-10.30 – Òtemkniãcé kònkùrsu, promòwanié antologie dokôzów Antoniégò i Alekségò Peplińsczich, przemòwë gòscy, sprawë regùlaminowé.
10.30-11.15 – Pisanié diktanda – I etap
11.15-11.30 – Przerwa na kawã i kùcha
11.30-12.30 – „Zaczarowónô żaba” Alekségò Peplińsczégò przëszëkòwónô przez teatralné karno Dobri Drëchòwie z SP w Załakòwie.
12.30-13.00 – Wëstąpienié Tëchlińsczich Krôsniãtów z ZS w Tëchlënie
13.00-14.00 – Môltëch / pòkôzk.
14.00-14.15 – Przedstawienié dobiwców pierszégò dzéla diktanda.
14.15-14.30 – Drëdżi dzél diktanda
14.30-15.30 – Wëstąpienié karna C.Z.A.D.
15.30-16.30 – Ògłoszenié Mésterków i Méstrów Kaszëbsczégò Pisënkù, wrãczenié nôdgrodów, pòdrechòwanié kònkùrsu, przemòwë gòscy i zakùńczenié VIII Kaszëbsczégò Diktanda

Projekt òstôł zrealizowóny dzãka dёtkóm: Ministra Bёnowёch Sprawów ё Administracёji; Ministerstwò Kùlturё i Nôrodny Spôdkòwiznё

Mómë ju przëmiôrë z mùzyką (serwisë jamendo.com, króm z ôpen mùzyką magnatune.com), z wiadłama (www.do.org.pl), z filmama (moviepals.org ), z ùczbą (www.open.ac.uk) czas ju nôwëższi, żebë miec téż taczé ksążczi.

Taka deja w Americe to nie niżódnô ùtopija, ale w Pòlsce dopierze co pòwstóné mô serwis www.otworzksiazke.pl, co mô na célu promòcëjã wëstrzódka ùczałich deji òtemkłoscë. Jaczi zwësk mô aùtor jak wëdô swój dokôz na wòlny licencëji? Bãdze òn barżi przëstãpny a dzãka temù czãscy cytowóny co je jedną z  miar wôrtnotë ùczałégò.

Dlô ùczałich tekstów barierą są jich niewôldżé nôkładë a przez to nie są letkò przëstãpné dlô ùczałich czë sztudérów a ju dëcht cãżkò je dostac je dlô lëdzy, chtërni żëją dalek òd akademicczich centrów. Wiele z nôùkòwich pùblikacëjów wëstãpiwô dzysô le w pòjedińczëch egzemplarzach.

Serwis otworzksiazke.pl rëszô ju 20 maja ë tëdë téż bãdze szło òbaczëc pierszé ôpen dokazë pòlsczi naùczi!

Hana Makùrôt

Jesma baro rad z tegò, że mòżemë Wama napisac ò tim, że jeden z wespółrobòtników tich starnów, Hana Makùrôt, òsta wëprzédnionô nôdgrodą  “Sztudańcczégò Nobla 2009“.

Hana je ùsôdzcą wielu, sparłãczonëch z kaszëbską kùlturą (z cëskã na kaszëbsczi jãzëk)  pùblikacëjów ë refératów jakno ë kaszëbskòjãzëkòwich dolmaczënków ë pùblikacëjów.

Gratulëjemë!

Czëtôjta wicy na: kaszubia.com

Òbkłôdka ksążczi ò Lechù Bądkòwsczim

Ze starnów Eùropejsczégò Centróm Solidarnoscë (Europejskie Centrum Solidarności) mòże zladowac katalog wëstôwkù “Autoritetë: Lech Bądkòwsczi” jaczi szło òbôczëc w gromicznikù 2009 rokù w Senace Pòlsczi Repùbliczi w Warszawie.

Katalog je w pòlsczim jãzëkù ë zamëkô w se biografijã Lecha Bądkòwsczégò, jakno ë òdjimczi z wëstôwkù.

Zladënk kataloga w PDF: ecs.gda.pl

Zymk 7

To ju wnet dwa ksãżëcë jak mòże dobëc nowi (sódmy) zsziwk Zymkù, jaczi wëdalë: Wëdôwizna Region, Mùzeùm Kaszëbskò-Pòmòrsczi Pismieniznë ë Mùzyczi w Wejrowie ë Kaszëbskò-Pòmòrsczé Zrzeszenié. Bënë mòże nalezc czile “zymkòwich” debiutów, jakno ë tekstë ju z rëchliszëch zsziwków ùsôdzców ë tak mómë króm przedsłowia Rómana Drzéżdżóna, tekstë: Słôwka Fòrmellë, Adama Hébla, Mariana Jelińsczégò, br. Zbigniewa Joskòwsczégò, Słôwka Klasa, Darka Majkòwsczégò, Hanë Makùrôt, Grégòra J. Schramke, Alë Skibë ë Lucynë Sorn. Zsziwk mòże kùpic m.jin w knégòwnicë “Pod Gryfem” ë Mùzeùm w Wejrowié za kòl 7.50 zł co nie je gwës wiôldżim wëdôtkã nawetka jak na krizysowé czasë.

Rôczimë do czëtnictwa!

Verba Sacra - Kaszëbskô Biblëjô w Wejrowié

19 stëcznika ò 17:00 wieczór, w wejrowsczi Kòlegiace (Fara) , w òbrëmieniu cyklu Verba Sacra – Modlëtwë pòlsczich katédrów, bãdze mia swój plac kaszëbskòjãzëkòwô prezentacëjô Ewangelëji wedle sw. Matéùsza.

Ùsôdzcą dolmaczënkù ë równoczasno ewangelëcczich dopòwiesców je (znóny ju z rëchliszëch dolmaczënków Nowégò Testameńtu Nowego ma kaszëbsczi jãzëk) o. Adam Ryszard Sikòra OFM. Na zéńdzeniu w Wejrowié, wëjimczi Ewangelëji pò kaszëbskù, przedstôwi Danuta Stenka, a dopòwiescë do tegò przińdą òd prof. Jerzegò Trédera ë o. Adama Riszard Sikòrë.

Verba Sacra je ùdbą ùsôdzôwòną òd 2000 rokù, a ji deja je przëszłô òd reżiséra Przemysław Basiński.

Aùtorama mùzyczi Verba Sacra 2009 są Tadeùsz Korthals (Northstudio) ë Cyprian Wieczorkòwsczi (Lud Hauza).

Wëkònëwôczama towarzëszący temù zéńdzeniu mùzyczi bãdze karno w zestôwieniém: Cyprian Wieczorkowsczi – elektronika; Weronika Korthals – spiéw, violin; Dawid Gorgolewsczi – gitarë, Zdzisław Ejsmònt – drums ë Tadeùsz Korthals – klawiszowi instr, perkùsjonalëja. Reżisérëjô ë artistné czerownictwò: Przemysław Basiński.

Zdroje:

• verbasacra.pl
• franciszkanie.pl

Zdrój wiadła: kaszubia.com

Czëtanie ë promòcëjã òrganizëje gduńsczi dzél KPZ ë je òno sparłączoné z òbchòdama rokù Aleksandra Majkòwsczégò, jakno ë z dolmaczënkã “Remùsa” na anielsczi ò jaczim ma Wama ju rëchli pisalë.

Wiadło ò kònkùrse w pòlsczim jãzëkù

Redakcëjô Bëtowsczégò Kùrierë ògłôszô ju drëdżi w pòsobnicë

Kònkùrs na òpòwiadanié Science Fiction w kaszëbsczim jãzëkù

Dokôzë nót je sélac do 30 stëcznika 2009 rokù. na adresa redakcëji z dopisënkã: “Kònkùrs S.F.”
Robòtë mùszą bëc niepòdpisóné, nacéchòwóné mërkã, zamëkac w se co nômni 2 znormalizowóné starnë A4, równak nie wicy jakno 10, pisóné fòntã Times New Roman w miarze 14, w 3 egzemplôrach. Wëdowiédzã ò ùsôdzcë (miono, nôzwëskò, adresa, telefón) nót je dodac w zamkłi kùwérce.
Òrganizatora dôwô so prawò drëkù nôlepszich dokôzów w òbéńdowëch gazétach wëchôdôjącëch na Kaszëbach.

Trzë pierszé place òstóną dëtkòwò nôdgrodzoné.

Adresa redakcëji:

Kurier Bytowski
ul. Zielona 5
77-100  Bytów