Òpùblikòwóné w: Wiadło — Tadżi: Hana Makùrôt — mark @ 11:51 dp 1 mô. 2009
Hana Makùrôt
Jesma baro rad z tegò, że mòżemë Wama napisac ò tim, że jeden z wespółrobòtników tich starnów, Hana Makùrôt, òsta wëprzédnionô nôdgrodą “Sztudańcczégò Nobla 2009“.
Hana je ùsôdzcą wielu, sparłãczonëch z kaszëbską kùlturą (z cëskã na kaszëbsczi jãzëk) pùblikacëjów ë refératów jakno ë kaszëbskòjãzëkòwich dolmaczënków ë pùblikacëjów.
Gratulëjemë!
Czëtôjta wicy na: kaszubia.com
Òpùblikòwóné w: Wiadło — Tadżi: Lech Bądkòwsczi — mark @ 9:27 dp 29 stru. 2009
Òbkłôdka ksążczi ò Lechù Bądkòwsczim
Ze starnów Eùropejsczégò Centróm Solidarnoscë (Europejskie Centrum Solidarności) mòże zladowac katalog wëstôwkù “Autoritetë: Lech Bądkòwsczi” jaczi szło òbôczëc w gromicznikù 2009 rokù w Senace Pòlsczi Repùbliczi w Warszawie.
Katalog je w pòlsczim jãzëkù ë zamëkô w se biografijã Lecha Bądkòwsczégò, jakno ë òdjimczi z wëstôwkù.
Zladënk kataloga w PDF: ecs.gda.pl
Òpùblikòwóné w: Wiadło — Tadżi: Zymk — mark @ 12:41 dp 18 grom. 2009
Zymk 7
To ju wnet dwa ksãżëcë jak mòże dobëc nowi (sódmy) zsziwk Zymkù, jaczi wëdalë: Wëdôwizna Region, Mùzeùm Kaszëbskò-Pòmòrsczi Pismieniznë ë Mùzyczi w Wejrowie ë Kaszëbskò-Pòmòrsczé Zrzeszenié. Bënë mòże nalezc czile “zymkòwich” debiutów, jakno ë tekstë ju z rëchliszëch zsziwków ùsôdzców ë tak mómë króm przedsłowia Rómana Drzéżdżóna, tekstë: Słôwka Fòrmellë, Adama Hébla, Mariana Jelińsczégò, br. Zbigniewa Joskòwsczégò, Słôwka Klasa, Darka Majkòwsczégò, Hanë Makùrôt, Grégòra J. Schramke, Alë Skibë ë Lucynë Sorn. Zsziwk mòże kùpic m.jin w knégòwnicë “Pod Gryfem” ë Mùzeùm w Wejrowié za kòl 7.50 zł co nie je gwës wiôldżim wëdôtkã nawetka jak na krizysowé czasë.
Rôczimë do czëtnictwa!
Òpùblikòwóné w: Wiadło — mark @ 11:02 pp 16 stë. 2009
Verba Sacra - Kaszëbskô Biblëjô w Wejrowié
19 stëcznika ò 17:00 wieczór, w wejrowsczi Kòlegiace (Fara) , w òbrëmieniu cyklu Verba Sacra – Modlëtwë pòlsczich katédrów, bãdze mia swój plac kaszëbskòjãzëkòwô prezentacëjô Ewangelëji wedle sw. Matéùsza.
Ùsôdzcą dolmaczënkù ë równoczasno ewangelëcczich dopòwiesców je (znóny ju z rëchliszëch dolmaczënków Nowégò Testameńtu Nowego ma kaszëbsczi jãzëk) o. Adam Ryszard Sikòra OFM. Na zéńdzeniu w Wejrowié, wëjimczi Ewangelëji pò kaszëbskù, przedstôwi Danuta Stenka, a dopòwiescë do tegò przińdą òd prof. Jerzegò Trédera ë o. Adama Riszard Sikòrë.
Verba Sacra je ùdbą ùsôdzôwòną òd 2000 rokù, a ji deja je przëszłô òd reżiséra Przemysław Basiński.
Aùtorama mùzyczi Verba Sacra 2009 są Tadeùsz Korthals (Northstudio) ë Cyprian Wieczorkòwsczi (Lud Hauza).