Czëtnica ^1.5

Gùczów Mack w Bólszewie

Tadżi: Wiadło | Felënk dopòwiesców »

Direktor Pùbliczny Biblioteczi Gminë Wejrowò miona Aleksandra Labùdë rôczë na gebùrstach Gùczów Macka, heroja felietonów Labùdë, 29 gromicznika ò gòdz 6 pò pôłnim w bibliotece w Bólszewie.

Programã nalézc mòże na starnie K-PZ.

Czekawié je to, że wedle programë to prawie Aleksander Majkòwsczi mdze barżi ekspònowóny w wëstąpieniach a nie Aleksander Labùda ë jegò Mack.

Kryptonim “Inspirator”

Tadżi: Wiadło | Felënk dopòwiesców »

Òstrzódk Kaszëbskò-Pòmòrsczi Kùlturë w Gdini (al. Piłsudsczégò 18) serdeczno rôczë w strzodã, 20 gromicznika ò 18:00, na projekcëjã dokùmentalnégò filmù Henriczi Dobòsz pòd titlã Kryptonim “Inspirator”.

Dokòment nen tikô sã personë bëlnégò mieszkańca Pòmòrsczi - Lecha Bądkòwsczégò. Film pòkazëje jegò żëcé a téż wspòminczi jemù blësczich, drëchów ë wiele jinëch personów, co mielë z nim pò drodze. Historëja filma to téż wanoga pò aktach Jinstituta Nôrodny Pamiãcë, pòkazująca baro drãgą drogã kaszëbskò-pòmòrsczégò dzejôrza w realiach socjalistny Pòlsczi

Wstãp darmôk!

Wiadło za starną K-PZ.

Aleksander Majkòwsczi

Tadżi: Wiadło | 1 dopòwiesc »

Dwa dni dowslôdë mómë dodóné wiadło ò tim, bë nen rok béł rokã Aleksandra Majkòwsczégò. A dzysô przeszedł czas, żebë pòkazac chòc kąsk z dokôzów tegò bëlnégò naszińca. Jak narô le jedna pòwiôstka je dodónô, Kòza i jeż, ale szëkôjta za wicy përzënkã pózdni!

Bôczënk: pisënk tekstu òstôł ùdzysdniowony.

To je słowò Bòżé

Tadżi: Wiadło | Felënk dopòwiesców »

Mô ùkôzóné sã w kaszëbsczi mòwie Lekcjonôrz “To je słowò Bòżé” w dolmaczënkù Eùgeniusza Gołąbka. Dokôz zamëkô w se mszalné czëtania na wszëtczé niedzélë a swiãta w rokù. Mô òno imprimatur Metropòlitarny Gduńsczi Kùrii razã ze słowã gduńsczégò metropòlitë.

Prezentacëjô Lekcjonôrza òdbãdze sã w Żukòwie, 8 gromicznika a na zaczątk òrganizatorowie rôczą na mszã na gòdzënã 16:00 do pòklôsztórnégò kòscoła.

Wicy wëdowiédzë na starnach K-PZ.