Czëtnica ^1.5

Fráňa Šrámek ë kaszëbsczi himn

Tadżi: Wiadło | 1 dopòwiesc »

Dzysô mómë dodóné dolmaczënk (chòba nie nôlepszi, bò mój ;-)) wiérztã Fráňa Šrámka Rapòrt ë kąsk wëdowiédzë ò tim czesczim aùtorze.

Z czekawich sprawów, slédno chtos wësłół nama lëst/dopòwiesc tiający sã sprawów nôrodnégò himnu Kaszëbów. Dlô naju barô wôżné je, bë robic serwis apòlitikòwi, czëlë nie trzëmac niżódny starnë sztridu midze kaszëbsczima czë pòlsczima nôrodnikama - przënômni na tëch starnach, chòc doch kòżdi z naju ë tak cos ò tim so mëslë. Leno nen serwis pòswiãcony je blós lëteraturze a nié pòlitikòwaniu. Në, nié mni wôżnë przë òdcësniãcu ti dopòwiescë bëło to, że nie bëła òna napisóna pò kaszëbskù, a doch taczi jãzëk trzëmómë za nôwôżniészi w naszim serwise.

Tak so mëszlã, że czej pisze sã ò kaszëbsczim himnie téj mòże bë so bëło òdwôżëc na napisónié tekstu (za abò procëm) w jãzëkù tegò himna?.

Nëże… chcemë le so zażëc!

Rozwij!

Tadżi: Wiadło | Felënk dopòwiesców »

Zwãk mómë je dodóné, nót je le miec przezérnik z Flashem, żebë brëkòwac ti fùnkcëji. Jakno to wëzdrzi mòże òbaczëc w knéżce do ùczbë Interligue. Do tegò jesz w tim ùczbòwnikù òsta dodónô szóstô ùczba - a czas béł na to nôwëższi, kò zeszło nama cos kòle rokù, żebë so za to wzyc.

Gwesno jidze letkò dozdrzéc, że mómë ju wicy tekstów a wszëtkò to dzãka sparłãczeniu z Kaszëbską Czëtnicą (czetnica.kaszubia.com), na òd terô nachôdô sã na tich starnach ë tuwò bãdze dali rozwijónô. Terô téż króm dolmaczënków, mòże czëtac téż apartnych kaszëbsczéch ùsôdzców !