Czëtnica ^1.5

Jak czëtac dokôz kùńsztu

Tadżi: Wiadło | Felënk dopòwiesców »

Tegò dowiémë sã 4 gromicznika z wëkładu Huberta Bilewicza w czëtnicë Gardowi a Krézowi Pùbliczny Biblioteczi w Kartëzach w ramach Kartësczi Akademiji Kùńsztu. Òrganizatorama są Galerëjô Refektarz ë Gardowô a Krézowô Pùblicznô Biblioteka w Kartëzach.

Wstãp darmok!

Sztandardë kaszëbiznë

Tadżi: Wiadło | Dopòwiesców: 4 »

Radzëzna Jãzëka Kaszëbsczégò pò dosc dłudżim czasu sã wzã ë wëda Biuletin, chtëren darmôk mòże dostac w bùdinkù Biura Przédnictwa Kaszëbskò-Pòmòrsczi Zrzeszë, przë Straganiarsczi 20-23 w Gduńskù, w gòdzënach 08:00 - 15:30. Jeżlë chtos bë ni mógł jachac jaż do Gduńska, téj mòże zladowac dokôz w fòrmace PDF prosto z pòdstarnë Radzëznë. Do wëbiérkù je kaszëbskô a pòlskô wersëjô.

Ze starnë RKJ do zladënkù są téż dwa dokôze, jeden z medialnégò krézu a drëdżi z teòreji lëteraturë. Równak jich zamkosc mòże nalézc téż w biuletinie.

Zymk w Kaszëbsczim Ekspresu

Tadżi: Wiadło | Felënk dopòwiesców »

Baro mieło nam ògłosëc, że wëdowiédzô ò jednym z nôwôżnészëch ùdbów a pismionów na niewiôldżim, kaszëbskòjazëkòwim rënkù mòże przeczëtac w na starnach Kaszëbsczégò Ekspresu.

Zymk je niefòrmalnym karnã lëdzy, chtërni zajimają sã pisanim dokôzów pò kaszëbskù. Mògą przënalégac do niegò wszëtcë ti, co chcelë bë rozwijac swòjé artisticzné taleńta, nie le blós w lëteraturze, czë to proze, czë pòezji, ale téż w mùzyce, czë jinszym z kùńsztów. Zymkòwcë maja wlazłé nawetka w hip hop!

W slédnym zbérkù mòżemë przeczëtac dokôzë m.jin. Hanë Makùrôt, Tómka Fópczi, Rómka Drzéżdżóna a jinëch.

Blaszany bãbenk w Teatrze

Tadżi: Wiadło | Felënk dopòwiesców »

Na délach Teatra Wybrzeże, króm szpektakla Miasteczko G. ò czim bëło w pòrzédnym newse òbaczëc mòże adaptacëjã jedną z nôbëlniészëch knéżków Güntera Grassa Blaszany bãbenk.

Heroją ksążczi je Oskar Matzerath, knôpk, chtëren ùdbôł so wicy nie roscëc. Jegò żëczba zjiscëła sã na trzecy gebùrstach. Òbczas przëjãcô Oskar spadô ze stãpniów. Òd tegò sztótu, z blaszanym bãbenkã w rãkach, kôrbi nama swòją historëjã na spòdlim losów Gduńska w czas drëdżi swiatowi wòjnë.

Teatrowi sztëczk miôł swòją premierã w rujanie 2007 rokù w ramach òbchòdzënkù 80. gebùrstachù Grassa. W nôblëższim czasu mdze gróny òd 26 do 29 gromicznika. Dlô lubòtników prozë Grassa je to bëlnô leżnosc skònfrontowaniô dokôzu ùsôdzcë z teatrową wersëją.