Je ju wiôldżi czas, cobë niżóden Kaszëba sã nie wstidzëł pò kaszëbskù gôdac.
grom.
28
Sor@pis w sécë
Tadżi: Wiadło | Felënk dopòwiesców »
Wëszłé mô pierszi numer jinternetowégò magazynu Sor@pis. Folia linguistica pòd redakcëją dr Tomôsza Derlatka. Pismiono, chòc pòswiąconé Sorbóm, mô téż czile akcentów kaszëbsczéch. Bédëjemë òsoblëwié dwa artikle, jeden w pòlsczim jãzëkù prof. Bòrzëszkòwsczégò Łużycko-kaszubskie kontakty w II połowie XX wieku. Cassubiana w spuściźnie Frido Mětška a drëdżi w sorbsczi mòwie Přinošk k łužiskoserbsko-kašubskim kulturnym kontaktam, chtërnegò aùtorã je Měrćin Völkel.
Miono magazynu bezpòstrzédno nawlékô do niewëdowónégò ju pismiona sztudérów sorbisticzi Ùniwersytetu w Lipskù Sorapis.
grom.
27
Testament ë Ojcowizna w Mestwinie
Tadżi: Wiadło | Felënk dopòwiesców »
28 gromicznika, to je w czwiôrtk, ò 6 pò pôłnim w Mestwinie w Gduńsku òdbãdze sã projekcëjô dwùch filmów: Testament Andrzéja Sipajło ë Ojcowizna Ireneùsza Englera. Nen filmòwi wieczórk je òrganizowóny bez Klub Sztudérów Pomorania.
Testament je pierszim filmã w całosce zagrónym w kaszëbsczi mòwie. Òpiarti je na òpòwiôdaniu Jana Drzéżdżóna Mònika ë przedstôwiô rodzëznã kaszëbsczégò gbùra Agùsta, chtëren ùmiérającë stôwô przed jiwrã pòdzélënkù miectwa midze swòjima wadzacëma sã dzecama.
Ojcowizna òpôwiôdô ò losach rodzëznów, chtërné przez bùdacëjã Jądrowi Elektrowni w Żarnowcu mùszëlë wëniesc sã ze swòji òjcowiznë.
grom.
13
Norda napôdô… - Jerzi Łisk
Tadżi: Wiadło | Felënk dopòwiesców »
Në ë znôwù mòżëmë Wama dzãka wspiarcô drëchów z Nordë przedstôwic ùsôdztwò nôslédnégò pòetë z ti òbéńdë, a je nim Jerzi Łisk.
Brateczno dzãkùjemë “Nordownikòm” w tim òsoblëwié Wasce Łiskòwi za pòmòc.
Në ë terô nëkôjta do czëtaniô, a je co czëtac!
grom.
13
Dëtczi na kùlturã w Gdini
Tadżi: Wiadło | Felënk dopòwiesców »
Mieszkôsz w Gdini? Môsz ùdbã na kùlturowé dzejanié? Në, téj je szansa, że na to dejã nalézą sã gardowé dëtczi.
Do pòdzélu je 125 tës złotëch na kùlturã. Òkróm tegò są jesz dwa projektë: bezpiék ë dzejania dlô dzecy a młodzëznë. Na kòżdi z nich dónô je takô sama sëma. Do 3 strëmiannika je czas na skłôdanié wniosków, a dobéwcã pòznómë ju w łżëkwiace. Je to bëlnô szansa dlô mieszkańców Gdini, chtërni chcą wspòmóc kaszëbską kùlturã.
Zachãcywómë do zapòznaniô sã z wëdowiédzą na starnach gardu Gdiniô abò w môlach dzelnicowëch radzëznów.
Ôrtë dokazu
Slédné wiadła
- 09.05.08 Dzéń Kaszëbsczi Kùlturë na GÙ
- 21.03.08 Bôczënk szkólny!
- 19.03.08 Arthur C. Clark nie żëje
- 16.03.08 Zmianë
- 08.03.08 Nôrodné Cyfrowé Archiwùm
- 02.03.08 Prozatorsczi Kònkùrs miona Jana Drzéżdżóna
- 28.02.08 Sor@pis w sécë
- 27.02.08 Testament ë Ojcowizna w Mestwinie
- 13.02.08 Norda napôdô… - Jerzi Łisk
- 13.02.08 Dëtczi na kùlturã w Gdini
Slédné dopòwiescë
- Jan Karnowsczi (2)
- Aleksander Labùda (1)
- Essko: Pozdrawiam Kaszubów i Kaszuby!!!
- Aleksander Majkòwsczi (1)
- mark: Móm dodóną jesz krótką wiérztã Majkòwsczegò z 1905 rokù: “Na Òksëwsci Kãpie”
- Wiérztë Òsipa Mandelsztama (1)
- mark: Në ë sã Hanie fejn darzëł dolmaczënk - mô dzewùs “czuja” do tegò.
Czëtnica bédëje