Czëtnica ^1.5

To je słowò Bòżé

Tadżi: Wiadło | Felënk dopòwiesców »

Mô ùkôzóné sã w kaszëbsczi mòwie Lekcjonôrz “To je słowò Bòżé” w dolmaczënkù Eùgeniusza Gołąbka. Dokôz zamëkô w se mszalné czëtania na wszëtczé niedzélë a swiãta w rokù. Mô òno imprimatur Metropòlitarny Gduńsczi Kùrii razã ze słowã gduńsczégò metropòlitë.

Prezentacëjô Lekcjonôrza òdbãdze sã w Żukòwie, 8 gromicznika a na zaczątk òrganizatorowie rôczą na mszã na gòdzënã 16:00 do pòklôsztórnégò kòscoła.

Wicy wëdowiédzë na starnach K-PZ.

Wiérztë Òsipa Mandelsztama

Tadżi: Wiadło | 1 dopòwiesc »

W najim szerwisu zagòscëł nowi aùtor! Dzãka bëlny robòce Hane dôwómë najim czëtińcom wiérztë Òsipa  Mandelsztama, stôwiónégò w piérszi rézë rusczich pòétów XX s., kòle  Bòrisa Pasternaka czë Anë Achmatowi.

Rôczimë do czëtaniô!

Ò Aleksandrze Majkòwsczim w Sejmie

Tadżi: Wiadło | Felënk dopòwiesców »

Pòséł na Sejm Zdzisław Czucha na nôblëższim pòsedzenim Sejmù, w dniach 6-8 gromicznika, wëgłosë pòselsczé òswiôdczenié w sprawie nôdaniô rokòwi 2008 miona Rokù Aleksandra Majkòwsczégò. Fùl tekst wëstąpieniô je na starnach K-PZ.

10 gromicznika je 70. roczëzna smiercë Aleksandra Majkòwsczégò, pisarza, redaktora, pòétë, dramaturga, spòlëznowégò dzejôrza a doktora medicynë. Nôwikszi dokôz jegò żëcô, wëdóny pò jegò smiercë fantasmagòrikòwi roman Żëcé i przigòdë Remùsa òstôł przedolmaczony na czile jãzëków, w tim pòlsczi bez Lecha Bądkòwsczégò, ale téż na francësczi, anielsczi ë miemiecczi.

Pòmòrsczé krôjòbrôzë

Tadżi: Wiadło | Felënk dopòwiesców »

Do kùńca gromicznika w Filëji nr 15 Gardowi Pùblikòwi Biblioteczi w Gdini w pòniedzôłczi, wtórczi, czwiôrtczi a piątczi w gòdzënach òd 11:30 do 19:00 mòże òbzérac wëstôwk malarstwa Mariana Buslera pòd titlã Pòmòrsczé krôjòbrôzë.

Je to ekspòzycëjô czilenôstu òbrôzów wëkònónëch w różnëch technikach, krótkò sparłączonëch z òbéńdą Pòmòrsczi.