Czëtnica ^1.5

Sztandardë kaszëbiznë

Tadżi: Wiadło |

Radzëzna Jãzëka Kaszëbsczégò pò dosc dłudżim czasu sã wzã ë wëda Biuletin, chtëren darmôk mòże dostac w bùdinkù Biura Przédnictwa Kaszëbskò-Pòmòrsczi Zrzeszë, przë Straganiarsczi 20-23 w Gduńskù, w gòdzënach 08:00 - 15:30. Jeżlë chtos bë ni mógł jachac jaż do Gduńska, téj mòże zladowac dokôz w fòrmace PDF prosto z pòdstarnë Radzëznë. Do wëbiérkù je kaszëbskô a pòlskô wersëjô.

Ze starnë RKJ do zladënkù są téż dwa dokôze, jeden z medialnégò krézu a drëdżi z teòreji lëteraturë. Równak jich zamkosc mòże nalézc téż w biuletinie.

Dopòwiescë dlô “Sztandardë kaszëbiznë” - ju 4

1. mark gôdô:
   31 stë. 2008 ò 9:27 pp

   Jo, to dosc fejn zsziwk do zladënkù, chòc chòba nié w “fòrmace PDF”, a blós w “PDF”, bò doch bënë ti skródzënë je ju “fòrmat”, to kąsk jak copac sã nazôd
   Mark

2. Michôł gôdô:
   1 grom. 2008 ò 7:10 dp

   Në ë tu ce móm! Wedle ùczałich w mòwie pisënk “fòrmat PDF”, tak jak “dioda LCD”, czë “platka CD” je jak nôbarżi bezzmiłkòwé.

3. mark gôdô:
   1 grom. 2008 ò 6:03 pp

   Në, wejle të! To kaszëbsczi je doch dialechtã pòlsczégò jãzëka, że sã za tegò wskôzama czérëjema? .

   Jô sã ce równak przëznóm, żé sóm piszã czãsto aùtomatno “fòrmat PDF” ë mie to nie przeszkôdzô. Dopòwiesc pòszla le dlô rozrëchaniu starnów .

4. Michôł gôdô:
   1 grom. 2008 ò 7:36 pp

   Hehe, a chto to tak richtich wié, co je dialektã a co nié Co do tëch fòrmatów, to na jindeksu bëłëbë téż: GIF, TIFF, XCF. A ùczëc doch mòże: “czãsto brëkòwóny fòrmat zapisënkù graficzi dlô netu to GIF”. Kò lëdze tak gôdjącë nie bôczą na prôwdzëwé rozpisanié skrodzënë, le na to, że na skrodzëna je ju apartnym słowã. Tak jô to widzã, le chòba lepi jakbë to nama jaczi ùczałi napisôł

Òstawi dopòwiesc

Miono (wëmôgóné)

Mail (nie mdze pòkôzóny) (wëmôgóny)

Starna WWW