Czëtnica ^1.5

Jan Trepczik

Tadżi: Kaszëbi, Jan Trepczik | Felënk dopòwiesców »

Trepczików Jan ùrodzëł sã 22 rujana 1907 rokù w Strëszi Bùdze kòle Mirachòw, a ùmiarłi je 3 séwnika 1989 w Wejrowie. Je jednym z nôbarżi widzałëch kaszëbsczich pòétów. Béł wespółùsôdzcą Òbéńdowi Zrzëszë Kaszëbów (pl. Zrzeszenie Regionalne Kaszubów) w Kartëzach ë Mùzeùm Kaszëbskò-Pòmòrsczi Pismieniznë a Mùzyczi w Wejrowie. Znóny je jakno aùtor pòlskò-kaszëbsczégò słowarza.

Jedna z jegò piesniów, Zemia Rodnô, òpasowónô je za kaszëbsczi himn.

Stefan Ramùłt

Tadżi: Kaszëbi, Stefan Ramùłt | Felënk dopòwiesców »

Stefan Ramùłt (ùr 22 gòdnika 1859 r w Liszkach pòd Krosnem) - pòlsczi jãzëkòznôwca, etnograf, badérowôł kaszëbsczi jãzëk. Je aùtorã słowôrzã Słownik języka pomorskiego, czyli kaszubskiego, na kùńcu chtërnegò dodôł 47 tekstów pò kaszëbskù.

Hana Makùrôt

Tadżi: Kaszëbi, Hana Makùrôt | Felënk dopòwiesców »

Ùrodzonô 17 lëstopadnika 1982 rokù we Gduńskù. Skùńcziła Ekònomiczną Licëjã w Kartëzach. Pòzdze sztudérowała pòlską filologiã na Gduńsczim Ùniwersytece, dze w 2006 rokù òbroniła pierszi méstersczi dokôz napisóny w kaszëbsczim jãzëkù. W akademicczim rokù 2005/2006 bëła przédniczką Karna Sztudérów „Pomorania”. Terëczasno je doktorańtką na Gduńsczim Ùniwersytece i zajimô sã pòlskò-kaszëbsczima jinterferencjama, òkróm tegò sztudérëje ruską filologiã i slawistikã. Przedolmaczëła dlô MSWiA na kaszëbsczi jãzëk Ùstôw ò nôrodnëch i etnicznëch miészëznach a ò regionalnym jãzëkù. Je nôleżnikã Kaszëbskò-Pòmòrsczégò Zrzeszeniô, Zéńdzeniô Młodëch Ùtwórców Kaszëbsczich „Zymk” a Radzëznë Kaszëbsczégò Jãzëka.

Hana pùblikùje téż w swòjim blogù, jaczi mòże nalézc pòd adresą hana.kaszubia.com.

Tomôsz Fópka

Tadżi: Kaszëbi, Tomôsz Fópka | Felënk dopòwiesców »

Tómk Fópka ùrodzył sã 10 lëpińca 1973 rokù w Gdini. Pòchòdzy z Chwaszczëna, dze mieszkô do dzys. Skùńcził Mechaniczné Technikùm w Gdini, pózni Mùzyczną Akademią w Gduńskù jakno spiéwôk i aktor. Je zastãpnikã burméstra gminë Żukòwò, dirigeńtã chùru Lutnia z Lëzëna. Prowadnikã Radë Kaszëbsczich Chùrów i wiceprzédnikã Stowôrë Turisticzné Kaszëbë, nôleżnikã m. jin. ZK-P i ZYMK-ù. Pòetą i kòmpòzytórã, dzejôrzã kaszëbsczi, kùlturalny rësznotë- jednym z „barżi niepòkórnëch”.
Jegò czile wiérztów nalazło sã w antologii “Mësla dzecka” (2001r.) Wëdôwizna “Region” z Gdini wëda w 2003r. jegò zbiérk eroticznëch wiérztów “Szlachama kùsków” i dokôz mùzyczny “Pierszô Kaszëbskô Pasja” (nótë i platkã). Debutowôł wiérztą “Nigdë dosc” w “Nordze” (1999).
Je laureatã m. jin. nôdgrôdë miona R. Wróblewsczégò (2001r.) i Òglowòpòlsczégò Lëteracczégò Kònkùrsu m. M. Stryjewskiego w Lãbòrgù (2002r.), a w 2007 rokù òstôł wëróżniony Medalã Stolema, Je wespółautorã spiéwnika “Piesnie Rodny Zemi”. Na niwiznie ùsôdztwa piesniów (tekstë, mùzyka), wespółdzejô z wiele karnama (np. Chëczą) i ùtwórcama (np. J. Stachùrsczi i G. Prëczkòwsczi). Jegò dokazë drëkùje “Gazéta Kartëskô”, a jégò tekstë mòżna przëczëtac téż na starnach zymk.net ë naszekaszuby.pl.