Czëtnica | …bò czëtania je nama nót!

Strzébro

Môłczënié je złotã –
Gwës znajesz to zdanié
A jô, przék mądroscë
Chcã słëchac Twòjëch
W strzébro òblôkłëch
Lëpów plestaniô

(wicy…)

Rómk na…

• Zëma
• Zôpùstnô piesniô
• Wiôldżi Pòst
• Na Palmòwą Niedzelã
• Jastrowi jiwer
• Renné wstôjanié
• Ùnijô!
• Dzéwczã a bòcón
• Òżniwinë
• Wilijnô òpòwiesc
• Szkalinga
• Wiôlgô chòrosc
• Spiéwka ò…
• Baszka
• Na dzéń dzecka
• Wiérzt nen bądze jinstruòwac jakùż belno wëstãpòwac
• Latosé lato
• Rómk na Bana
• Kòmpùtrowô spiéwka

Zëma

Sniég zawalël drodżi wszelczé
Zôs drogòwcë zaskòczony
Le to nawetk nie je dzywné
Nôród je do te znãcony

Nick nie wadzy, że przejachac
Autã nigdze to nie jidze
Bdą lëdzeska doma leżec
Bò pò swiãtach są jesz médëch

Leżą w miastach na szasëjach
Smiotë wiôldżé pò pazëchë
Dzecë bawią sã redosnie
Wkól je czëc mileczné smiéchë

Zëma pësznô kòl nas je
Le skąd wiedzą ò tim lëdze?*
Drodżi fëste są zawióné
Nicht tu do nas nie dojedze!

(wicy…)

Ùrodzył sã 4 séwnika 1972 r. w Starzënie, terô mieszkô w Pùckù. W 1993 r. skùńczëł Gbùrsczé Technikùm, chtërné bëło cągłoscą Gbùrsczi Warkòwny Szkòłë. Bez krótczi czas robił jakno stolôrz w Bòjanie. Òd 1996 r. do terô robi w Mùzéùm Pùcczi Zemi (z przerwą 2000 – 2001).
W 1999 r. dostôł nôdgrodã miona I. Trojanowsczi w pòeticczim kònkùrse ë II plac w prozatorsczim kònkùrse miona J. Drzéżdżóna w Wejrowie.
(wicy…)