Czëtnica | …bò czëtania je nama nót!

• Dlô Matczi
• Dlô Synka
• Jeséń
• Lato
• Pamiãc

Dlô Matczi

Mòje łzë nënkò
W Twòjich òczach sã żôlą,
Czej w sercu jak groszk
Môlëchné rączczi skłôdóm,
Ò ùsmiéwk serdeczny Ce proszã.
Jô wiém nënkò, że cerpisz.
A gãbka dërch w dëchù nócy
Miłotë ë bòleniô hymn.
Jô téż chcã Ce zaspiéwac
Przez łzë mòje
Jak pôcórczi,
Bò jinaczi
Jô nie rozmiejã.

(wicy…)

Urodzył sã 2. rujana 1965 r. w Starzënie. W 1980 r. skùńcził Spòdleczną Szkòłã miona A. Ôbrama w Pôłczënie. W latach 1980-83 chòdzëł do warkòwi szkòłë w Pùckù, dze ùcził sã za slusarza-mechanika. Òd 1983 do 1986 r. béł kadetã w wòjskòwi szkòle w Òlesnicë kbl Wrocłôwiô. Pò promòcjë na chòrążégò, w zélnikù 1986 r. zaczął służbã w 3 Branderbùrsczi Dëwizjë Lotnictwa Szturmòwégò w Swidwinie. W 1998 r. przeszedł na emeriturã. Òd 1999 r. robił jakò òchroniôrz w różnëch fyrmach. Terô je kòmendantã Òddzélu Cëwilnëch Wacht w JW. 2035 w Dąbrówce.
Òd 5 lat zajimô sã malarstwã, grafiką, rzezbą ë krziżikòwim haftã. Òd 3 lat spiéwô w chùrze „Morzanie” dzejającym kòl K-PZ òddzéł Dãbògórzé. Je téż człónkã zarządë negò òddzéłu. Króm tegò pisze pòezjã ë prozã w jãzëkù kaszëbsczim, pòlsczim, rusczim ë czesczim.
(wicy…)