Czëtnica ^1.5

Михаил Лермонтов

Tadżi: Swiat, Михаил Лермонтов | Felënk dopòwiesców »

Michôł Jurjewicz Lermòntow (Михаил Юрьевич Лермонтов) (1814-1841) – jeden z nôbëlniészich ùtwórców rusczi romantiznë, pòéta i prozajik, dramaturga. Pòchôdôł ze szlachecczi rodzëznë, pò smierce nënczi wëchòwiwała gò starka. Ze starką wiele wanożił, znôł francëszczëznã i miemczëznã. W latach 1828-1832 sztudérowôł na Mòsczewsczim Ùniwersytece. Pòzdze chòdzył do szkòłë pòdchòrãżich w Sankt Petersbùrgù, tuwò miôł parłãczi z dekabristama.
W swòjim ùtwórstwie jinspirowôł sã Byronã i Schillerã, a téż widzec je cësk tradicji dekabristów. Lermòntow znóny je przede wszëtczim z pesymistnëch i filozofnëch wiérztów, pòémów (m.jin. Dzywny człowiek, Maskarada), a téż jakno aùtor pierszi rusczi psychòlogòwi pòwiescë Heroja naszégò czasu (Герой нашего времени).

Bianca Pitzorno

Tadżi: Swiat, Bianca Pitzorno | Felënk dopòwiesców »

Bianca Pitzorno (ùr. 1942 w Sassari), italskô aùtorka romansów ë knéżków dlô dzecy. Wicy ò ni wëdowiédzë na starnie italsczi Wikipediji.

Кир Булычёв

Tadżi: Swiat, Кир Булычёв | Felënk dopòwiesców »

Kir Bułyczow (Кир Булычёв), pò prôwdze Igor Wsiewołodowicz Możejko (Игор Всеволодович Можейко) (ùr. 18 rujana 1934, ùm. 5 séwnika 2003) – rusczi historik ë pisôrz naùkòwi fantasticzi. Robił w Instituce Òrientalisticzi Sowiecczi Akademiji Ùczbów.

Jegò pierszô fantastikòwô pòwiastka pòd titlã Dinozaurë nie wëmarłë, òsta wëdóné w cządnikù Wokrug swieta pòd kùńc 1967 rokù.

Pseùdonim aùtora je sparłãczeniém Kir - òd miona białczi ë Bułyczow òd jakòsznégò nazwëstka matczi.

Jegò nôbarżi znóné dokôzë to serëjô hùmòristnych pòwiôstków ò mieszkańcach rusczégò gadkù Wiôldżi Guslar, bãdącégò përznã karikaturalną kòpiją prôwdzewégò gardkù Wiôldżi Ustiug. Nawetka nôzwëstka herojów òstałë wzãté z adresowi knéżczi tegò gardkù z 1907 rokù. Wiôldżi Guslar przecygô wszëlczégò ôrtu kòsmitów ë nadzwëkòwi jistotë. Dzeją sã w nim rzeczë bãdące czãto satirą na żëcé w Sowiecczi Zrzëszë.

Charles Bukowski

Tadżi: Swiat, Charles Bukowski | Felënk dopòwiesców »

Henry Charles Bukowski (ùr. 16 zélnika 1920 w Andernach , ùm. 9 strëmiannika 1994 w San Pedro, Kalifornia), amerikańsczi pòeta ë pisôrz miemiecczégò ë pòlsczégò pòchòdzënkù.

Bëł znóny z zawôrnég, fùl skandalów żëcégò. Ùróbk Bukowsczégò jinspirowóny bëł jegò swòjima doznaniama, sparłączonyma z alkòholã, biédą, nieszczescém ë słabiznama kòżdégò człowieka. Nimò wùlgarnégò jãzëka ë prostégò sztélu, jegò dokôzë emanëją sposobną czëłotą ë głãbòczim zrozmieniém lëdzczi nôtërë.

Sóm Bukowsczi przëznawôł, że cësk na jegò pisanié miele taczi ùsôdzcë jak Anton Czechow, Ernest Hemingway, Louis-Ferdinand Céline, Walt Whitman, Fiodor Dostojewsczi ë John Fante. Bëł wiôldżim lubòtnikã klasykòwi mùzyczi ë kòńsczi gòńbë.